E por ka High Court wow pynbait ka sorkar wa ka HPC wow kyrriah ya ki manyung na Them Iew Mawlong

Ka Meghalaya High Court da rah sngi ko yei bichaar ya ka mukotduma wow kyrriah ya ki 342 tylli ki manyung na Harijan Colony ka Them Iew Mawlong kat hadooh wa kut ka chuti tlang (Winter Vacation) neidaw wa da pyntip u Advocate General wa ha ini i por ye wow pynbait noh ya ini i kaam.

“Neidaw wa dang sah ini i kaam ha ka Division Bench, kamtæ daw chong bichaar ya ka hadien ka chuti tlang,” da ong u Justice B Bhattacharjee.

Ha ka 2 tarik uni u bnai, ka High Court da phah ko wow pynbait ya ini i kaam deiwa suk heiyatoh wow kyrriah ya kini ki manyung wei da yooluti ko ha ini i por daw ye noh ki ar liang u pynbait para ki hi. 

Related posts

Maham u heh ka Russia wow pynemkaam da ki Nuclear hadien wa kem ka US ya ka jhaad kit phniang

January 8, 2026

Dawa ka President ka Venezuela wow pynuiñ ya u Maduro wa ka kurim u

January 8, 2026

Ka Division Bench wa kynthup ya u Chief Justice Soumen Sen wa u Justice W Diengdoh da rah sngi ko ya kani ka mukotduma hapyrdi ka sorkar jylla wa ka Harijan Panchayat Committee (HPC) cha u February 2026.

U Advocate General leh da pyntip u wa i yaklam dang pteiñ i wow pynbait ya ini i kaam hapyrdi ki ar liang.