Khliehriat: Ka KSU Khliehriat Circle hadien wa ood ki paid chong chnong wa kiwa synchaar chnong yong ka thaaiñ Khliehriat cha ka seiñ nadooh kini ki sngi wa da dep hajrong wa sih ki kor ATM ka SBI ha ka chnong Khliehriat.
Kamtæ haka 28 tarik uni u bnai ka seiñ da lai yachem ko wa ki bor pynlai yaka State Bank Of India (SBI), Khliehriat wei hawa yaklam wa uwa pait yakani ka Bank da kular u wow chimkhia ya kani ka kaam deiwa pyntip leh wa ki kor ATM thymme dang em ki ha luti.
Ka seiñ da ong ko wa da man i sarom yaka Khliehriat kawa man ka District Headquarter kawa em boon jait ki Bank tangwa tang kawi ka ATM leh man ko kawa ym krehkaam wei ki paidbah da hap ki wow lai cha Ladrymbai du wow sai poisa na ki ATM.
Ka seiñ da dawa ko leh wow pynboon ya ki ATM kamjooh ya ki Cash Deposit Machine yow yoh ki bru wow thap poisa kamjooh ki kor wow Update ya ki Passbook.
Ka seiñ da e por ko chi bnai wow pyndep ya ini wei daw boodien ko ya kani ka kaam.
Discussion about this post