I chongum u sarok khamtam ha ka yingkieñ Tongseng, Narpuh da booh i hei maa ya ki paidbah wa lai wa wan, kamtæ hajrong ini ka Meghalaya People’s United Front East Jaiñtia Hillls District (MPUF-EJHD) lyngba u President yong ka, u Kyrshan Blah da e por ko chi tayaw ya ka National Highway Authority of India (NHAI) wow chna pynmiat noh ya uni u sarok ha kini ki bynta wa sih.
Da maham ko leh deiwa ong wa lada ym mano ka NHAI yeini, ka seiñ daw lai khang noh ko ya ka Toll Gate ha Lumshnong, Narpuh.
U Kyrshan Blah da sñiawkhia u leh yei man i long u sarok neidaw wa da chongum ko heiwa boonsien ki kari khian sahkut ki manda poi ha kini ki thaw.
Da ong u leh wa i pai thlu da booh i leh hei maa ya ka yingkieñ neibhah wa da synjor ko wei lada pteiñ ye i wow wanrah yei jia wa sñiawsih ya ki paidbah wa i sahkut kari ha u sarok.
Ka seiñ leh da ong ko wa daw booddien ko yeini wa ki bor District ka East Jaiñtia Hills District.
