Ka synjuk kiwa sikai kawa tip kam ka Meghalaya Upper Primary School Teachers Association (MUPSTA) Central Body da pynman ko ya ka yakhih deiwa chong kylleiñ-myngngor ha Kynton-U- Mon Lad Nongkrem Playground ynne ka 17 tarik nadooh 11:00 waje i step hadooh 2:30 i sngi.
Ha kani ka yakhih da wan ya chimbynta da kamwa 2000 ngut kiwa sikai Upper Primary School kiwa em hapoh ka lama yong ka MUPSTA na kylleiñ soodong ka jylla Meghalaya.
Ka yakhih man ko kawa jai jai khlem da em iwon iwon i huri hura wei ha ini i yakhih, kiwa sikai da iwi i sur da chim ki yei rai wow e por ya ka sorkar wow pynku Deficit noh ya waroh ki 844 tylli ki Adhoc Upper Primary School kiwa em ha ka jylla Meghalaya waroh kawi hadooh ka 10-01-2022.
Ka seiñ da klam che ko wa lada ka sorkar ym pyrkhat lang wei ym pynmankaam ko yei dawa yong ka seiñ hadooh chwa katai ka tarik, daw chim won da i rai wow pteiñ biang ya ka yakhih kawa rap eh.
Ka kyrwoh na u E.G. War Organising Cum Publicity Secretary MUPSTA Central Body.
