Ka Reserve Bank of India (RBI) ynne da pynbna ko wa da e por ko ya kiwa pynemkaam yaka Paytm hadooh ka 15-03-24 wow thooh ki da kiwi ki laad ki luti yow leh yeiwa emkaam ki.
Ha ka Wyrta wa da pynmih da ka RBI, da ong ko wa hapoh ka Section 35A ka Banking Regulation Act, 1949 da khang ya iyi wa ye ka Paytm u leh kawa tip leh kam ka Paytm Payments Bank Ltd. (PPBL) deiwa pyntip nadooh ka 11-03-22 wa haka 31-01-24.
Ynne won da pynbna chooh chooh ki kyndon deiwa ong wa ym chah de u thap poisa hapoh ka Paytm, u leh ya ki Credit Transaction wa ki Top Up ya kiwa pynemkaam yaka Paytm iwa mut naddooh i leh Prepaid, i thap poisa ha ki e-wallet, i su FASTag, National Common Mobility Card wa kiwi kiwi de hadien ka 15-03-24 iwa da pynyinsur naka 29 tarik uni u bnai kamwa da pynbna ini wa dep.
U chah du wow su yaka sut, ki Cashback, ki Sweep, i pynuiñ poisa (Refund) iwa ye u leh ha iwon iwon i por.
U chah leh u sai yaka poisa wa dang sah ki bru ha ki Account nadooh ki Savings wa Current Account, ki Prepaid Instrument, FASTag, napoh ki National Common Mobility Card wa kiwi de khlem da booh kyndon kat wym pynbna da kamwi.
Ym chah leh u leh kiwon kiwon ki kaam wa yatoh waka Bank yow phah poisa deiwa pynemkaam da ki AEPS, IMPS, BBPOU wa ki UPI hadien ka 15-03-24.
Da phah leh wow khang ya ki Nodal Accounts ka One97 Communications Ltd kawa man leh kam ka tre ka Paytm deilang waka Paytm Payments Services Ltd wa pynlai da ka Paytm Payments Bank Limited, kiwa toh u khang chwa u kut ka 29-02-23.
Chooh chooh da phah wow su lut ya waroh ka poisa wa dang sah chwa ka 15-03-24.
Ka Paytm ymtoh u khang ko ya ki paidbah wow sai yaka poisa ki lait noh kitu ki Account kiwa da khang da ka RBI yow takit ki.
Ka RBI da jubab ko leh ya waroh iwa kylli ki paidbah kiwa ye phi u yoh heini.
Discussion about this post