E por ka seiñ kiwa kamai Taxi 3 sngi ya ka sorkar wow pynchna ya u NH-6 khamtam ha Khliehriat

I sih u sarok NH-6 khamtam ha ki thaaiñ ka East Jaiñtia Hills da ktah ko ya waroh nadooh kiwa im hapoh ka jylla kamjooh kiwa wan na baar jylla, kiwa kamai, kiwa em dukan ha rood sarok wa kiwai lai wa wan khamtam heipor wa jhan wa emkaam kiwa yatoh wa i chait i khiah neibhah i sih u sarok da pynsuki u yei lai kamjooh da wanrah yei sahkut kari man-ka-sngi.

Ki kari nadooh ki khian hadooh ki heh leh man-i-por da sih ki neidaw wa sih sarok wei ki thlu wa heh wa yillu da yah ki leh chei ya tyrrah ya tyngkhooh ki kari dei langær.

Kamtæ ynne neilang ka seiñ kiwa kamai Taxi wa tip kam ka East Jaiñtia Taxi Owner Driver Association (EJTODA) da rai ko wow e por 3 sngi ya ka sorkar wow chna pynmiat noh ya uni u sarok nadooh Tuber Chohchrieh hadooh Malidor khamtam ha Khliehriat iwa da pynthut yei kamai kajih yong ngi ki Local Taxi wa i lai wan nadooh ki khynnah skur hadooh kiwa lai kreh.

Chooh chooh da ong wa neidaw wa sih uni u sarok, da wanrah ko leh yei sahkut kari iwa da ki kynta iwa da ktah chooh chooh yei kamai yong ki.

Related posts

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ym du ha Garo tangwa ka Meghalaya waroh da yoo yei kylla hapoh ka NPP, ong ka MLA wa thymme ka Gambegre

November 23, 2024

Kamtæ ka EJTODA da e por ko ya ka sorkar wow pynchna ya uni u sarok NH-6 hapoh 3 sngi wei lada ka sorkar ym pynchna ko, daw pynbna da ki yakhih paidbah.

Ka EJTODA ka kyrpaad joor ko leh ya kiwa mihkhmat yong ka thaaiñ East Jaiñtia wow chimkhia ki yeini i kaam yow pynchna ya uni u sarok khnang u lait nei jia wa sñiawsih.