Wow yoh yei tip wa bniah wei wa em yurim lyngba ki thaw puræ wa em hapoh ka District, ka yung krehkaam yong ka DMC-SSA, West Jaintia Hills ha ka 26 tarik uni u bnai da pynman ko i e sikai wa kyrpang ya ki Block Resource Person (BRP) wa ki Cluster Resource Person (CRP) ha Yungwalieh ka Loompyrdi Iongpiah.
Ha ka yalang yahkhmat wa tbian yong kani ka e sikai, chwa wow yoh i klam i batai wa bniah hajrong ka UDISE+ & SDMIS 2024-25 da em chwa i yaklam phyllu hapyrdi kiwa wan ya chimbynta khamtam ya ki jnit ki jnat kiwa da chem da ki BRP-CRP heipor wa leh ki ya ka UDISE+ & SDMIS yong u snem wadep.
Yei klam i batai wa bniah chaphang ka ka UDISE+ & SDMIS da khana da u R.L. Bimee Suwer, District MIS Coordinator, SSA West Jaiñtia Hills.
U R.L. Bimee Suwer kam u bru stat bru chemphang wa toh u pait u yoo kyrpang yeini i kaam hapoh ka District dei sñiawkhia da khut, kyrpaad u ya ki BRP-CRP yong ki Block waphær wow ya krehlang khnang yow man i rukom pyndap ki skur ya ki Data iwa yahaap katkam i kwah yong ka sorkar wei heijooh i por ong u leh ya ki BRP-CRP katwa ye wa lah yait nei pynboonkam ya ki bei ki pa yong ki khynnah hawa chem ki iwon iwon i eh iwa yatoh wa ki khynnah neibhah ini ymtoh i kaamram yong ki.
Chooh chooh u R.L. Bimee Suwer heiyatoh wa ka UDISE+ & SDMIS da kyrpaad u leh ya ki bor pait bor pynlai yong ki skur waroh wow chimkhia ki u leh yeiwa emkaam wei wow pyntikna leh wa ki khynnah waroh kiwa puræ ha ki skur toh u psiah i pyrtuid ki hapoh ka System khnang yow lait u mih iwon iwon i tynjooh ya ki khynnah hadien habood. Wei lada em iwa kiwa sikai ym sñiawthooh lane chem chitom ki wow pyndap ya iwon iwon heiyatoh wa kani ka kaam ye ki u kylli na ki CRP yong ki kiwa da em ha man la ki Cluster.
Neiliang ka M. Lakiang, District Mission Coordinator, SSA West Jaiñtia leh da wan ko wow embyntalang ha kani ka e sikai wei da kyrsu kyntu ko ya ki BRP-CRP wow pynlai yumut ki heipor wa klam wa batai ya iwi pa iwi i bynta yong ka UDISE+ & SDMIS khnang wa i pynman ya kani ka e sikai u man iwa jop wei iwa e myntoi ya phi kam ki bru kiwa toh u kreh yei kaam haman kawi pa kawi ka skur kawa em hapoh ki Cluster wapher yong ka District.
Discussion about this post