I e sikai yei rukom psan dakha deiwa kset namo ka ‘Cage Culture’ da pynman ha Umiam da ka ICAR-Central Inland Fisheries Research Institute (ICAR-CIFRI), Regional Centre, Guwahati deiwa ya krehlang wa ka ICAR Research Complex for NEH Region, Umiam.
Ya ini i e sikai da pynman ha chnong Umniuh Khwan wa em ka wah Umiam, ha ka 21 tarik uni u bnai. Ya ka e sikai da pynman hapoh i pait u Dr. B. K. Das, Director, ICAR-CIFRI, Barrackpore; Dr. V. K. Mishra, Director, ICAR RC for NEHR, Umiam deiwa pyntoh pyntne da u Dr. B. K. Bhattacharjya, Head (Acting), ICAR-CIFRI RC, Guwahati kamjooh u Dr. S. K. Das, Principal Scientist, Division of Animal and Fisheries Science (DAFS), ICAR RC for NEH Region, Umiam. Da em leh ki Scientist ka ICAR wa ki Technical Personnel kam u Dr. Pronob Das, Dr. S. Borah, u A.K. Yadav, Dr. D.K. Meena, u T. Tayung, Ms. Peetambari Devi, (Scientist), u Alakesh Das (TO) wa u Prasanta Mahanta (STA) da man ki kam ki Resource Person.
Ha kani ka esikai da wan wow embynta lang da 55 ngut ki warep wa kynthup ya 25 ngut ki kynthai kiwa napoh ka Ri-Bhoi Farmers’ Union wa yahkhmat da u D. Mazzao (President) wa u Brightstar K (Secretary).
U Dr. S. K. Das da pyntip u wa kani ka psan dakha deiwa kset ya ki dakha deiwa kær da ki jar kawa tip kam ka Cage Culture ha Umiam toh kawa da sdang nyngkong ha u 2019 daka ICAR-CIFRI Regional Centre, Guwahati deiwa ya krehlang waka ICAR RC for NEHR, Umiam deilang waka Ri-Bhoi Farmers’ Union.
Ha kani ka sngi da e leh ya 6 tylli ki thaw psan dakha namo ki CIFRI-GI Cage kamjooh da e leh yei baam dakha (CIFRI-CageGrow Feed) yow pynchlur ya ini i rukom psan dakha ha Umiam.
Ha kani ka sngi da pynlait leh ya 9000 tylli ki symbe dakha hapoh kini ki tharu (Cage) wa da dep pyndait wei da saam leh 4 Ton i baam dakha (CIFRI-CAGEGROW) cha kiwa yoh myntoi yow pynemkaam ki ha ini i Cage Culture.
