Jowai: Ka Khasi Students Union Laskein Circle ha ka 3 tarik uni u bnai da pynman ki ya ka Awareness Programme hajrong ka phang “I sih wa mih na ka chongkha dang khian wa ki kaam wa haap husiar hawa pynemkaam internet” ha ka chnong Sahsniang.
Ha kani ka sngi, da chimbynta da kamwa 350 tam ki khynnah skur, kiwa sikai wa ki dkhot ka seiñ.
Kani ka programme man ko kam chibynta wow pynsñiawthooh ya ki khynnah skur wow yait ki na i kaam chongkha dang khian wei yow pynche cha ki ya ki laad ki luti wow kiar na i yoh kurim smat kamjooh leh wow lait na ki kaam chah pynbiej ha kiwa boon jait wa mih na ka Internet
Ya i sikai da yoh na ka R. Kynjing (District Child Protection officer), ka M. Nongtdu (Childline Centre Coordinator), na u Michael Lawai (President Mawkynrew Circle), u W. Kharsati wa na u Iaishah War.
Ha kani ka jooh ka sngi da pyman leh ya ka pynskem ya kiwa kitkaam thymme ka KSU Laskein Circle neibynta ka samoi krehkaam 2017-2020.
Kiwa kitkaam wa thymme kiwa da pynshkem toh u Balawan Suchiang kam u President, u Peter Ram Sutnga kam u General Secretary, u B. Kamar kam u Vice President, u Garland Shadap Manner kam u Asst. General Secretary, u Ricky Syntem kam u Education Secretary, u Jevalin Shadap kam u Organizing Secretary, u J. Lyngdoh kam u Publicity secretary,u Christopher Biam kam u Sports Secretary, u F. Suiam kam u Finance Secretary, u Riladap Shadap kam u Office Secy. wa 10 ngut ki Executive Member.
Da pynskem ya waroh kini ki dkhot da u Vincent Makri (CEC member) uwa pynkynmoo wa ka jaitbru yong i ym duna ko ha ka puræ puthi tangwa duna ko ya kiwa mihkhmat ki wow kitkhia ya ka imlang sahlang.
Ha kani ka sngi da em leh u Y. Nanghuloo (In-charge KSU JHDU yong ka CB), u Ohibait Dkhar, President KSU-JHDU wa kiwi kiwi.
Discussion about this post