Ka skurbah Martin Luther Christian University (MLCU) da yoh ko ya i yarap poisa wa le snem na ka Indian Council of Medical Research (ICMR), New Delhi, neibynta ka Project “Alcohol use among adolescent tribals in three corners of India” hapoh i pait ka Principal Investigator, ka Dr. R. Jennifer War.
Ka thong yong kani ka Project toh u tip ya i em kiwa dih kiad wa kiwi ki jait dih pynmuaid ha ki khynnah wa em hapyrdi 11-19 snem i rta na ki jaitbru ri-loom na ki 3 jylla wei wow e sikai yeiwa emkaam u tip yow ye u lait na ini waroh kawa tip kam ka NIMHANS Life Skills Education Model.
Hajrong ka thong yong kani ka Project, ynne ka sngi da pynman ya ka e sikai namo ka Workshop neibynta ki khynnah khynroo ka chnong Lapalang kiwa embynta hapoh kani ka Project.
Kamwa 20 ngut kiwa em hapyrdi 15 hadooh 19 snem da chimbynta ki deiwa emlang leh da ki ASHA kam kiwa pait yei e sikai deiwa em ki bru chemphang na ka Department of Social Work and Centre for GENDER na kani ka skurbah.
Neiliang u Waheh Chnong ka Lapalang, u J Hynniewta da ban joor u yei emkaam wow pynman ya kam kani ka e sikai khamtam ya ki khynroo ki wow yahkhmat ya ka mynried.
