Jowai : Ka esikai wa chi sngi hajrong ka phang “Improving Livelihood of Tribal Farmers Through Horticultural Interventions” da pynman da ka Horticulture Division, ICAR Research Complex for NEH Region, Umiam, Ri-Bhoi ha kani 29 Duyatra, 2016 ha chnong Maskut West Jaintia Hills hapoh ka skhim Tribal Sub Plan.
I mat wa kongsan yong kani ka esikai toh yow e buit wa ki stad sayan hei rukom rep soh (Horticulture) yow pynku yei pynmih ki warep.
Deilang 53 ngut ki warep da wan chimbynta ki ha kani ka esikai wei da yoh ki leh yei klam wa emkaam bha hei yatoh wow thung Khontara (Citrus), Sapriam (guvava), Sapdok (tomato), Kubi (cabbage) wa kiwi kiwi de ki jhoor wa lai yaw bha.
Ki warep da yoh ki leh u kylli na kini ki stad sayan hei yatoh wa boon jait ki eh wa chem ki hei rep i riang. Da ong ki warep leh wa kam ini i esikai man i iwa yarap bha ya ki chiboon neibhah da yoh ki i buit thymme wow pynkyu ym du yei rep kamjooh leh i nong wa daw yoh ki deiwa pynemkaam ya ki stad wa da yoh ki na kani ka esikai.
Da saam leh ya ki symbe jhoor cha waroh wa wan chimbynta ha kani ka esikai.
Da pyllai ya kani ka esikai da u Dr. Heiplanmi Rymbai wa u Dr. A.K. Jha, Scientists, ICAR Research Complex for NEH Region, Umiam, Ri-Bhoi.
Discussion about this post