Jowai: Ka Jingiaseng Samla Balang Presbyterian Jowai, lyngba kawi naki chnat krehkaam yong ka wa tip kam ka Blood Donation Cell, ynne ka sngi da e snam sñiawbha ko cha ka Blood Bank Jowai wa em ha Panaliar wei neiliang ki dkhot ka Jingiaseng Samla leh da ya wan ki chakhmat wow e snam sñiawbha.
Ya kani ka Blood Donation Cell da seiñ yaka nadooh u snem 2008 hajrong ka yurim wow yarap ya para mynsien bru wa emkaam snam khamtam kitu wa em ha kyndian mysnien, da khana u Coordinator ka Blood Donation Cell u B.L. Khonglah.
Da khana haroh u wa nachwa kani ka Cell yong ki jooh lai e yarap snam ko cha ka Mission Hospital Jowai hawa em kiwa kjut wa emkaam snam, tangwa hadien waka sorkar da booh kyndon ko wa toh hap lai lyngba ka Blood Bank, kamtæ kani da man ko ka sien wa ar wa da lai mih e snam sñiawbha ki ha Blood Bank Jowai.
“Nadooh wa seiñ ya kani ka Cell da pteiñ bait i yei kaam wei katwon sñiawhun i mynsiem yong i hawa yoh u yarap yaki para mynsien wa kordor.”
Heijooh i por kyntu haroh u ya kiwi won ki khon khynroo ka Balang wow wan ki chakhmat yow kyrchaan ya kani ka Blood Bank khnang yow lait nei duna snam.
Chwa ini da em leh ka yalang wa tbian wada emlang nadooh ka Dr. P. Shylla In-Charge Blood Bank Jowai, u Chairman Jingiaseng Samla u O.B. Dalamman Roy Laloo, u Secretary Jingiaseng Samla u Barilang Suchen, u Assistant Coordinator u L.H. Rngad nalor ki wakreh ka Blood Bank Jowai wa kiwi.
