Jowai : Ka All Jaiñtia Hills Social Welfare Organisation (AJHSWO) kawi na ki seiñ kreh mon sñiawbha hapoh Ri-loom Jaiñtia kawa em mynsien ya kiwa dooh khamtam ya ki khonswet rangli. Ha kani ka 23 Naiynñiaw 2016 da e sñiawbha ko da ki Anglo-Khasi Dictionary cha ki 24 ngut ki khonswet kiwa em hapoh ka North-East India Mission Association (NEIMA) Sahsniang, West Jaiñtia Hills District kam chi bynta wow pynproh jabieñ hei puræ puthi nadooh Nursery hadooh Class X.
Ha kani ka sngi, da emlang ki ki Rangbah Balang yong ka chnong Sahsniang wa ki dkhot ka NEIMA wei chwa u saam ya kitai ki dictionary, da em ka yalang wa tbian.
Ya ka yalang da pyllai da u Pro Pastor E.F. Passah, da yoh leh yei klam na u President ka seiñ u Ram Biam uwa da kyntu ya ki khynnah wym hoi u man ki kiwa sñiaw khonswet ki neibha ka seiñ em ko wa ki wei kamjooh leh kiwa kreh ka NEIMA wei wow chim ki ya kiwa sumar kam ki bei ki pa yong ki.
Chooh chooh da kyntu u ma Biam wow man ki ki khynnah wa minot wei wow pynemkaam ya kini ki dictionary dei rukom wa biang.
Ha kani ka yalang da yoh leh yei jlam na u Finance Secy ka Seiñ, u Daiaraplang Salahe wei na ki dkhot ka NEIMA.
Discussion about this post