E sñiawbha ka HNYF 200 tylli ki kymmor cha ki manyung wa dooh wa kiwi kiwi

Jowai: Ka HNYF-CB ynne ka sngi hapoh i yahkhmat u Donbok Dkhar, Office Secy. Central Body chirrup wa ka Mukroh Unit da lai e sñiawbha ki da ki 200 tylli ki kymmor cha ki manyung wa dooh wa duk wa kiwa duna hei doh i pran wa ki khonswet ka chnong Mukhroh, WJH.

Ya ini da leh kam chibynta wow lehkmen Christmas wei neiliang u Office Secy. da ong u wa kam ka khubor wa i yumut ka Christmas mut ko wow yarap kylliang para bru ya i wan u khon u Blai cha ka pyrthai.

Kamtæ ha kani ka por ka seiñ da sñiaw ko wa emkaam wow bood ya kani ka khubor wa bha wym hoi u mylliñ ya kiwa khian wa nai.