E sniawbha ka KSU Jaiñtia Hills District 20 churia ka khyndaw bilat neibynta ka thaw ri khonswet ha Tuber

Jowai: Ka Khasi Student’s Union (KSU) Jaiñtia Hill District wa kynthup ya u Shaniahskem Dkhar wa u J Paul Lyngdoh ynne ka sngi da lai noh sniawbha ki wow yarap ya ka wi ka thaw ri khonswet wa em ha ka chnong Tuber, West Jaiñtia Hill District kawa e pyrtuid ka 7 Thyndai Child Care Institute Cum Counseling Center kawa pyllai da ka Milis Dkhar kam ka Chairperson yong ka Seiñ Raij Tuber Women’s Wing.

Neiliang ka KSU Jaiñtia Hills da e sniawbha ko ya 20 tylli ki churia khyndaw bilat neibynta kani ka thaw ri khonswet wow chna ya ka thaw chet ja kamjooh waka poisa kattu katni.

Kamtæ neiliang ka Milis Dkhar da pynsniaw ko yei sniawngooh ya ka KSU kiwa da mih wow e yarap ya kani ka thaw ri khonswet.

Neiliang won u Shaniahskem Dkhar da yaroh u ya ka Women’s Wing ka Raij Tuber kawa da chim ya kani ka kitkhlieh wow ri ya ki khon rangli ka jaitbru yow ye ki u man kam kiwi kiwa em bei em pa.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da kyrpaad u leh ya kiwi ki lok ki jor wow sniawbha ki wow wan pait ya kani ka thaw ri khonswet wei wow yarap ya ki yeiwa emkaam ki.