Jowai: Ka Na La Rympei Production Society da e sñiawbha ko da ki kymmor cha ki bru kiwa em i duna hei doh i pran ha ka chnong Saphai, West Jaiñtia Hills District, ynne ka 28 tarik.
Ha chwa wow saam ya ki kymmor da pynman yaka yalang wa tbian wa pynlai da ka Hun Dkhar.
Ha kani ka sngi da emlang u Nehimayah Tyngkan kam u kongsan uwa da saam leh yaki kymmor. Da emlang leh u Arman Disiar u Vice-President, u Ribokmi Biam u Secretary yong ka Society, kamjooh leh ki waheh chnong yong ka chnong Saphai wa Iooksi wa kiwi de ki ri waheh yong katai ka thaaiñ.
Ha kani ka yalang da yoh ya i klam na u waheh chnong yong ka chnong Saphai u A. Bareh, u P Tangliang wa u L. Tyngkan.
U kongsan hawa e yei klam na u kongsan, u Nehimayah da kyntu joor u wa ym toh wow kyntait lane yoobeiñ ya ki bru kiwa em i duna neibhah ki leh em ki i jooh i mynsien kamwa i em i, wei toh u e mynsien wei wow pynchlur yaki lada man ki kammon kammon. Da pynsñiaw u leh wa daw pynman da ka yalang wa rap heh kawa kynthup lang rap boon ki chnong kiwa em ha ka thaaiñ kam chibynta wow e mynsien ya kiwa em ha i duna ha i doh i pran.
Ha kani ka sngi da em hadooh kamwa 69 ngut kiwa da yoh pdiang ya i e sñiawbha kiwa kynthup ya kiwa na chnong Saphai wa Iooksi (Iapkhla).
Neiliang ka Na La Rympei Production Society da e khublei ya u Nehimayah Tyngkan uwa da kyrchaan ya kani ka saam kymmor uwa da noh kyllooid neibynta i e sñiawbha ha kani ka prokram wei kamjooh leh ya waroh ar ki waheh chnong kiwa de ya emlang kiwa da chimkhia wow khut wow wer ya kiwa chong chnong wow yawan chimbynta lang ha kani ka sngi .
Ka kyrwoh na u General Secretary ka Na La Rympei Production Society u Ribokmi Biam.
Discussion about this post