E sñiawbha ki pulit ka WJH-DEF da ki kymmor cha ki 7 tylli ki chnong

Jowai: Ki pulit ka West Jaiñtia Hills District Executive Force sa chisien kam chibynta wow e yarap cha ka imlang sahlang wei kamjooh wow lehkmen Christmas, ha kani ka 18 tarik da e sñiawbha ki 100 tylli ki kymmor cha kiwa chong chnong Saitsama, Ladmyngor, Khanduli, Rynktein, Lumlakhait, Kremmyrsiang wa Sanaro.

Ya ini i e sñiawbha da pynman ha Saitsama, West Jaiñtia Hills District, hei emlang u B. Chhetri, Addl. Superintendent of Police, ka C. Lyngdoh Dy. SP (Crime), ka D. Sohtun, Member Secretary District Legal Services Authority, u Officer In-charge Nartiang Police Station wa u In-Charge Saitsama Outpost deilang wa kiwi ki pulit.

Ka WJH-DEF da e khublei ko leh ya kiwa yarap wow pynyoh yaki kymmor wei da kyntu leh ya ki paidbah wow pynneh yaka chong suk chong saiñ ha kini ki por lehkmen.