Jowai: U President ka United Democracy Party (UDP) 4-Mowkaiaw Constituency, u Eleazer Christopher Dkhar da e sñiawbha u cha ki khynroo ka chnong Mowkaiaw kiwa yalehke Football man ka step ha Madan Mukoi Mowkaiaw da 5 tylli ki ball wa 3 jur ki Jersey Football.
Kiwa wan yalehke wow pynpliah toh ki khynnah wa ki khynroo na ki dong waroh ka chnong Mowkaiaw wei yeini da leh hajrong i thmu wow wanrah kam ka thaw sikai namo ka Academy wow yarap pynpliah ya ki khynnah ha kani ka yalehke.
Neiliang uwi na kiwa yalehke ka 7Wasa United u Sam Ryngki da e yaroh u ya u Eleazer Christopher Dkhar uwa da smat wow e yarap cha ki deiwa kitbok kitrwiang leh ya oo kamjooh.
Neiliang u Dkhar da ong u wa em u i thrang wow kyntu kynrong ya ka jait yalehke waroh neibhah wa kani man ko leh ka laad wow kamai ja kpoh ya ki waroh.
Da kyntu u leh ya waroh wow kreh chitom ki wei wow em i mynsien wow man kiwa yaichah khnang wa ki u ye ki u poi ha ka thong kawa da booh ki.
Discussion about this post