U Kingstone Borwari Marak uwa krehkaam mon sñiawbha da beiñ u ya u Principle Secretary ka GHADC uwa katni u Hewing A. Sangma deiwa pynbaad wa emkti u wow pynemkaam bakla ya ka poisa wa T. 10,000,00. Heiwa katkam ka sabut (Money Receipt) wa da yoh da chem wa ha ka 18-02-2018 uwa yahkhmat ka Naiksengittim Baptist Church da yoh chwa u T. 5,00,000 kam i e sñiawbha na u Hewing A. Sangma wei ha ka 19-10-2019 da e biang u sa T. 5,000,00 yow chna yei kyrnroh ka Niksengittim Baptist Church.
Ha ka Money Receipt wa em ya ka tarik 18-02-2018 da thoh wa kani ka poisa wa T. 5 Lak toh kawa e na u Hewing A. Sangma, Project Scheme yow chna yei kynroh ka Niksengittim Baptist Church.
Hajrong ini da kylli wa lada ka poisa toh kawa da e sñiawbha namo ka Scheme wa pynkrehkaam hapoh ka GHADC. Wei ym tip leh wa em ka Scheme ya kiwon kiwon kiwa mihkhmat yow chna ki ya ki thaw mane.
Kamtæ da paan pynche na u Hewing A. Sangma, Principle Secretary ka GHADC wa lada e u ya ka T. 5 Lak na ka Scheme ka GHADC lane deiwa e sñiawbha donhi wei lada e u napoh ka Scheme, ye hi u kam u wakreh donhi ym toh uwa da jied da ki paidbah wow pynlait poisa na ki Scheme wei lada e u da ka poisa hiwot ha waroh arsien.
Chooh chooh da pynsñiaw leh yei lyngngoh wa nadooh u Wisu (Mar) 2018 hadooh katni, ki Executive Committee warim hadooh kawa katni wa yahkhmat da ka NPP ym pu em ye ki wow su ya ka tulop wa sah katwa u Principle Secretary won da e sñiawbha u wow chna kynroh ya ka yungmane.
Da kylli wa lada toh iwa e sñiawbha, neiwon yoh poisa u Hewing heiwa ki wakreh ka GHADC la 4 snem ym em yoh tulop ki.
