Kam chibynta u ya ksohktilang wa ka sorkar kamjooh ki Doctor, ki Nurse wa waroh ki wakreh ka chnat i chait i khiah wow yakhun pyrchah ya ka khlam COVID-19, ka yung krehkaam yong ka Dong Barato-A ynnin ka 15 tarik da e sñiawbha ko cha ka Barato PHC da ki Face Shield hapoh i yahkhmat u Secretary Dong Barato-A, u Sarlangki Dkhar, chirup i emlang kiwa ha yung ha sem yong oo.
Heiyatoh wa ini da kyrpaad u leh ya ki paidbah ka thaaiñ wow man ki kiwa burom ya ki wakreh ka chnat i chait i khiah wow bood ryntih ki yei hukum ka sorkar wym toh u kheiñstiñ ya kani ka khlam ha kam ini i por waka sorkar da pynyinsur ko yei khang chnong. Tangwa toh u deiñ yaki Facemask chisien wa da mih na yung wow lai cheiwon cheiwon khamtam ha ki thaw paidbah.
Neitæ da kyrpaad haroh u yaki paidbah wow wan ki cha PHC heipor miet du hawa ym hoi de u dam namo kawa man Emergency Case katwa kitu kiwa kjut malu mala won sñiawbha ki u wan chim dawai heipor OPD.
Ini i kyrpaad man ko kam i dak ya krehlang dei wow em i mynsien wyrai yei e kti lut ki wakreh haka chnat i chait i khiah neibynta ki paidbah.
Kani da man katkam ka kyrwoh na u Sarlangki Dkhar Secretary Dong Barato-A.
Discussion about this post