Ka Bosco Integrated Development Society (BIDS) lyngba ka Community School and Children Parliament Project da wan ko chakhmat wow knær ko ya ki kti yong ka wow e yarap ya ki 1306 ngut ki khynnah kiwa puræ ha ki Community School waphær waphær ha ki 43 tylli ki chnong kiwa haap hapoh ka West Khasi Hills wa East Jaiñtia Hills District.
Kani ka e yarap da sdang ya ka nadooh ka 24 tarik hadooh 28 u Naiyniaw 2020 hapoh West Khasi Hills wei nadooh ka 8 tarik hadooh 17 u Naisaphra 2020 ha East Jaiñtia Hills District.
Ya ka Community School and Children Parliament Project da e yarap poisa da ka Child Aid Network, Germany.
Kani ka Project da pynkrehkaam ya ka neibynta ki khynnah kiwa da dam skur chiteiñ por wa kiwa ympu jooh lai skur mynnu mynnu kiwa em hapyrdi i rta wa 12 snem hadooh 25 snem.
Chooh chooh kani ka Project da man ko kam ka rynsan wow pynchlur ya ki khynnah kiwa 12 snem hadooh 18 snem lyngba ka Children’s Parliament. Ka Children Parliament ka hikai ko ya ki khynnah wow tip ki ya ki hok yong ki (Child Rights) wei wow man ki leh kam kiwa mihkhmat wa chlur ki wow pyrkhat neibynta i miat i bha yong waroh lang.
Ha kam kini ki por yong ka khlam COVD-19 da chem wa chiboon ki manyung ki wa dooh wa duk kiwa chem næ takhooh ya ki moochynthut katwa kamtæ ki wakreh yong ka CS&CP Project lyngba i e yumut u Phadar. G. Wanniang (Executive Diretor), u T.R. Mallai (Administrator) chirup i e mynsien kiwa yakrehlang da pyrkhat sani bha ki wow thooh ki laad ki luti hei wow yarap ya ki khynnah kiwa puræ ha ki Community School.
Dei e mynsien u Kyrmen Shylla (Minister Social Welfare) ka Federal Bank Laitumkhrah, u Wailadmiki Shylla (MLA Jowai), ki lok wa kiwa ha yung ha sem kiwa da smat u synniang heiwa da yoh u saam ya u khoo, chini, dai wa i phniang-soo cha ki khynnah kiwa wan puræ yow yoh ki yei kyrchaan.
I kyrhaan yong ki Waheh Chnong, ki Village Education Committee chirup waki Facilitator yong ki chnong da pynsuk ko wei da e mynsien ko chiboon ya ki wakreh ka BIDS wow dang kreh chooh chooh ki neibynta i bha i miat yong kiwa chong chnong.
Ka BIDS da e khublei kyrpang ko leh ya waroh kitu kiwa da smat u kyrchaan timun tidiang ya ka ha kiwa boon rukom deiwa kitbok kitrwiang ko wow yoh ki yei chait i nang wei wow mankhih mankhan chooh chooh ki.
