Ka Dong Umsyiem Bataw, da e yarap ko da ki marbaam cha kawi ka manyung wa da maad yei kthang ha kini ki por, heiwa da dooh noh ya ka manbei wa i khon wa dang kha ko.
Ka manbei kawa dang punkhon hadien wa chitom ko da lai phah ya ka cha PHC Bataw heiwa da chem toh kawa yoh ya u khñiang COVID-19, wei hadien wa chitom joor da rah ya ka cha Nazareth Hospital, Shillong wei da booh hapoh ICU.
Du hadien kattu katni sngi da hap ki Doctor wow pooid ya ka yow sai yei khonboo tangwa ini khonboo da khlaad noh i.
Iwa sñiawsih chooh chooh toh wa hadien ar tayaw ha ka 29-06-21, kani ka manbei leh da khlaad noh ko heiwa ha ini i por da dep Test ya ka wei da chem toh kawa ym em de chah ktah (Negative) na u khñiang.
Kani ka manbei da ieh ko chadien ya ar ngut ki khon.
Katwa kamtæ ka Dong Umsyiem Bataw dei mynsien wa yoo wyrai da lai e yarap ko da ki marbaam cha kani ka manyung wa dang em kiwa hayung kiwa da hap wow chongkset ha yung.
Neiliang ka Dong Umsyiem waroh kawi e ko i kyrkhu kyrdoh ya katai ka yung yow yoh ki dei chait i khiah.
Kamjooh leh kiwa ha yung katai ka manbei da e ki i kitbok kitrwiang yaka dong waroh kawi, yow ye chooh chooh ki u chakri ya kiwi.
Kani ka Wyrta toh kawa naka Dong Umsyiem lyngba u JR Rupsi.
