Ka FKJGP East Jaiñtia Hills District lyngba ka FKJGP-SEBA Circle deilang wa ya emlang ka FKJGP Lama Unit da saam marbaam ki cha ki manyung wa dooh wa duk kiwa em kamwa 31 yung ha ka 5 tarik uni u bnai kiwa da chah ktah ha kam ini i por wa em ka khlam.
Da pynman leh ya ka yakalang wa tbian kawa pynlai da u President ka FKJGP Lama Unit u Heibormi Suchen. Da yoh leh yei klam na u Waheh Chnong ka Lama u Tellme Dong uwa da e yei yaroh ya ini e sñiawbha yong ka seiñ cha kiwa chong chnong kiwa chem chitom ha kam ini i por wa wan ka khlam.
Da yoh leh yei klam wa tbian na u President ka FKJGP-SEBA Circle u Mathew Pajat hei emlang u Secretary SEBA Circle u Eladmi Suchen.
Da emlang leh u Secretary Chnong u Charling Syrti wa ki dkhot ka Committee ka chnong ha i por wa ka dang saam marbaam cha ki manyung wa dooh.
