Ka HANM ynne ka sngi da e yarap ko cha ki kattu katni tylli ki manyung ka chnong Moolamanoh East Jaiñtia Hills ki wym em Card Rahon, ki wym de kiwa kamai ha yung lane kiwa kyrchaan ya ka yung ka sem.
Ha ini i lai e yarap da u khoo da yahkhmat da ka President ka HANM Women’s Wing ka Bythygrace Dkhar deiwa emlang u Vice President ka HANM East Jaiñtia Hills u Monkini Shylla deilang wa u Edwin Syrti, President HANM Eastern Circle.
Neiliang ka seiñ da yaleh ko wow thooh ki laad ki luti kammon wow ye u e yarap cha ki manyung kam ha kini ki por wa em i khangsbak neidaw ka khlam COVID-19.
Chooh chooh ka seiñ da ong ko wa daw thooh ko ya ki laad ki luti wow pteiñ chooh ya i e yarap cha ki manyung kiwa dooh ha ki chnong ka Ri-loom Jaiñtia.
Heipor wa lai e yarap ka seiñ da pynkynmoo ko ya ki paidbah wow sap ki ya ki Mask wei wow bood ya kiwi ki kyndon kiwa da booh ka chnat i chait i khiah neipor cheipor.
