Ha ka 1 tarik uni u bnai, ka HANM Narpuh Circle da yoh laad ko wow e yarap ya ki khynnah skur kiwa toh wow yoh yarap heiwa ka seiñ da e ko da ki kot (Exercise Book), ki School Box wa ki Rubber cha ki 18 ngut ki khynnah ka thaaiñ.
Ha chwa wow pyndep ya ini i e yarap, ka seiñ da pynman ko da ka yalang wa tbian wa pynlai da u President ka seiñ, u P. Syiemlieh wei da ya emlang leh wa ki dkhot ka seiñ kattu katni ngut ryngkat u Dametreyo Rymbai wa man leh kam u Secretary chnong warim ka ka Chiehruphi uwa da e yei klam e khublei wa kyrpang wei kitbok kitrwiang u ya ka seiñ wow nang ye chooh chooh u chakri hapoh ka imlang sahlang ha waroh ki liang.
Neiliang u P. Syiemlieh uwa man leh kam u chongknor ka yalang, da ong u wa dap dei kmen wow yoh kam kani ka laad hanlada man ko kawa khian leh i e yarap ya ki paradoh parasnaam ki yong i wei kam ka seiñ hei sien wa nyngkong dooh da ye ko u e yarap, kamtæ da kyntu ya ki manbei yong kini ki khynnah wow sñiawbha ham kheiñ yei duna wym ye u yarap chiboon neibhah wa ki toh du kam kiwa kreh mon sñiawbha neibynta ka jaitbru wei da e katwa ye.
Ka kyrwoh na u S. Pala, Publicity Secretary.
