Ynne ka sngi ka seiñ Hynniewtrep Youth Council (HYC) East Jaiñtia Circle, hapoh i yahkhmat u Vice President u Michal Chyrmang deilang wa ki dkhot ka seiñ da yoh ki wow lai e yarap cha thaw ri khonswet kawa tip kam ka 7-Thyndai Child Care Institution Cum Counselling Centre, kawa pynlai da ka seiñ kynthai yong ka Tuber Kmai Shnong, kawa em ha Tuber Kmai Shnong, East Jaiñtia Hills District,
Neiliang u Michal da kyntu u ya kini ki diah khian wym toh u sñiaw kam ki khonswet khonrangli, toh u sñiaw ki ya kani ka thaw kam ka yung ka sem yong ki wei ya kiwa sumaar yaki kam ki bei ki pa wei ym toh wow dooh kyrmen ki neitbynta ka mynstep ka man kawi.
Da ong u leh wa ini i e yarap ym toh wa ka seiñ man ko kawa mahajon, toh du deiwa em yei mynsien sñiawlem ya kiwi wei ka seiñ ka kreh chitom ko wow yoh kam kini ki laad yarap ya kiwi kiwa emkaam yarap.
Ka Tiewmihpli Lyngdoh kawa pait ya kani ka thaw da e khublei ko ya ka seiñ HYC kawa da ye wow e ya kini ki yarap wa emkaam hapoh kani ka thaw ri khonswet, deiwa ong wa kiwon kiwon ki e yarap man ki kiwa emkaam ya kani ka thaw.
