Ka seiñ HYC Narpuh Circle ha ka 23 tarik uni u bnai hapoh i yahkhmat u Dismit Sumer uwa man u Organising Secretary ka seiñ da lai e sñiawbha ko da u khoo kamwa 3 churia wa ka poisa katwa joh i bor yong ka.
Ka seiñ da jooh lai e yarap ko dei langær ya ka manyung ka Champa Tariang kawa da chem chitom ko hadien wa ban i kjut i chitom ya u kurim yong ka la kamwa 3-4 snem kattu wei da thiah chah sumaar donhi u ha yung.
Neiliang ka Tariang da ong ko wa u kurim yong ka kam u khlieh ka yung da chitom yap chiliang u wei ymye de ko wot wow pyndap pynbiang ha yung wow psa ya ki khon.
Da pyntip ko leh wa neiliang ka Balang ka chnong da jooh wan e yarap ki katwa joh i bor yong ki, da ong u Publicity Secretary ka seiñ, u Pyndap Syiemlieh.
Neiliang ka seiñ da kitbok ko ya ka wow yoh ko i doh i pran wa chait wa khlan khnang wow ye ko u pyndap yei emkaam ka yung yong ka.
Ka seiñ da ong ko leh wa neiliang yong ka ym chongngiah ko wow e i kyrchaan cha kiwi kiwa emkaam yarap.
