Ka Hynniewtrep National Youth Front (HNYF) Southern Ri-War Circle hapoh i yahkhmat u President u Tarson Lymba wa u General Secretary u Lasius Lamin haka 14 tarik uni u bnai da lai e yarap ki yaki khonswet wa sah ha NEIMA Orphanage Pynursla Center da ki marbaam hei emlang u President ka HNYF Pynursla Unit u Dawanbor Diengdoh wa u Assistant Secretary u Lari Kshiar.
Neiliang u President da e u yei kyntu kynkpham yaki khynnah wow man ki kiwa kohngooh wa kiwa ngait sneiñ ya kiwa pynlai ya kani ka Orphanage Center.
Haka 11 tarik won, ka HNYF Shnongpdeng Unit deilang wa u MDC ka War West u Het Pohthmi da e yarap ki da u khoo cha ki manyung wa dooh wa duk ka chnong Shnongpdeng.
Ha katai ka sngi da emlang leh u President ka HNYF Shnongpdeng Unit u Bringstar Lamin waki dkhot Committee yong ka seiñ kiwa da ekti ya u khoo cha 120 yung uwa mar 10 kg lyngba u waheh chnong ka Shnongpdeng u Bnai Syngkrem.
