Ynne ka sngi ka India da e sñiawbha ko hadooh 1,00,000 sien e (Dose) i dawai yada COVID-19 namo i Covishield ya ka ri Maldives.
Ini i dawai toh kiwa da chem da ka AstraZeneca-Oxford University wei da chna ya ki da ka Serum Institute of India.
Ka Serum Institute of India toh kawi na ki karkhana chna dawai wa heh tam ha pyrthai kawa chna ya ki dawai kam ki Polio, Diphtheria, Tetanus, BCG wa kiwi kiwi.
Ynne ka sngi neiliang u montri ki kaam baar ri ka Maldives, u Abdulla Shahid da ekhublei u ya u montri rangbahdooh ka ri, u Narendra Modi wa da e sñiawbha nyngkong dooh u ya ini i dawai cha ka Maldives.
Ynne i janmiet heipor kamwa 3:25 ka lieñsuiñ AN32 da poi ko ha Paro, Bhutan kawa da kit 1,00,000 sien e ini i jooh i dawai.
Ya ini i dawai da wan pdiang da u montri ka chnat i chait i khiah ka Bhutan, u Dechen Wangmo na u Ambassador ka India, u Ruchira Kamboj hei emlang u montri rangbahdooh ka Bhutan, u Dr. Lotay Tshering.
