Ka dorbar chnong Lapangap da yaroh ko ya i yarap wa smat bar yaka sorkar wa e daka Jaiñtia Hills Development Society (JHDS) deiwa ong leh wa man ko ka sien wa nyngkong waka chnong Lapangap yoh ko ya kini ki laad yarap heiwa boon kiwa chong chnong wa ki manyung wa chah kthah joo umkhmat ki hawa yoo ki yei mynsien sñiawkhia yong ka Society wei da e ki yei yaroh kawa khroo ya u Phadar Manbha Pakem uwa man leh u Director yong katai ka Society kawa man ka seiñkreh monsñiawbha yong ka Balang Katholik tangwa hawa e yarap da e ko ya waroh ki jait niam khlem da leh chiliang.
Haka 23-02-20 kani ka chnong da chah ktah ko ha u phria uwa da pynjæd ya 50 tylli ki yung wei neiliang u Director ka JHDS da pyntip u wa da tip u chaphang ini jia ya kani ka chnong khappood na u khon khynroo ka chnong u Augustan Timung wei da hiar ki wut wut cha kani ka chnong haka 5 tarik uni u bnai wow e yarap da ki tin sap yung. Wei kani ka sngi da man ko ka wow sah kynmoo yaka chnong kawa da booh hei dawai ya kani ka Society wa daw ye chooh chooh ko wow leh chiboon ki kaam wa bha.
Neiliang yong u waheh chnong u Deimonmi Lyngdoh da dap u dei mynsien iwa kmen hawa yoo u yei mynsien sñiawkhia u phadar wei da kyntu u leh yaki bor sorkar wow pyntooid yaki laad yarap cha kiwa maad yeini i eh.
Discussion about this post