Ka Jaintia Students Movement lyngba ka Lapangap Unit, ka chnat krehkaam yong ka JSM Western Region, da yohlaad ko wow yarap da u khoo, ki marbaam wa ka musari cha ka chnong Lapangap B haka dong Mokalani ha katai ka chnong.
Ha katai ka sngi ka 20 tarik uni u bnai da em leh ka yalang wa tbian heiwa da yoh yei klam na u President ka Unit u Monbha Myrphet deilang wa ki Dkhot ka Unit hei emlang u Waheh Chnong ka Lapangap wa ki kattu katni ki bru waheh ka chnong.
Neiliang ka Lapangap Unit da yoh laad ko u saam cha 45 tylli ki yung wa dooh wa duk katai ka dong ka chnong heiwa neiliang u President ka tai ka Unit da ong u wa ini toh i sdang wei kamjooh yow yohlaad u yarap ya kiwa sah Quarantine ha katai hi ka chnong.
Chooh chooh hei klam yong oo da ong u wa neiliang ka seiñ hi ym yoh ko wow e chiboon tangwa kyrmen u wa neini chakhmat daw thooh laad ko yow yarap chooh chooh næ u e sñiawbha katwa chah i bor cha kiwa chong chnong ki wym yoh bynta.
