Ka Jaiñtia Students Movement (JSM) ynnin ka sngi da pteiñ ko yei e yarap cha ki 55 tylli ki manyung ka chnong Umrasiang wa Musiang Lamare, East Jaiñtia Hills.
Ha ini i lai e yarap da u khoo da yahkhmat da u Vice President ka seiñ, u SK Dkhar, u LS Syad uwa man u Working President wa kiwi ki dkhot ka JSM Southern Region.
Neiliang ka seiñ da yaleh ko wow thooh ki laad ki luti kammon wow ye u e yarap cha ki manyung kam ha kini ki por wa em i khangsbak neidaw ka khlam COVID-19.
Chooh chooh ka seiñ da ong ko wa daw thooh ko ya ki laad ki luti wow pteiñ chooh ya i e yarap ko ya ki manyung kiwa dooh ha ki chnong ka Ri-loom Jaiñtia.
Heipor wa lai e yarap ka seiñ da pynkynmoo ko ya ki paidbah wow sap ki ya ki Mask wei wow bood ya kiwi ki kyndon kiwa da booh ka chnat i chait i khiah neipor cheipor.
