Ka seiñ JSU kam ka dak wow ekhublei wei wow pynchlur ya ki ASHA yeiwa da kreh chitom ki ha kam kini ki por wa em ka khlam COVID-19 deiwa pynkup burom ya ki neibhah wa man ki kam kiwa sumaar ya ki paidbah kiwa em haphrang dooh wow yakhun pyrchah yei poor kani ka khlam.
Ha kani ka sngi da em ka yalang wa tbian heiwa da emlang leh u Doctor In-charge ka Dawki PHC uwa da pynchlur chooh ya ki ASHA.
Neiliang ki bor ka chnong ka chnong Darrang wa kiwa kitkaam ka seiñ da pynsñiaw ki wa neini chaphrang daw em ryngkat ki wa ki ASHA ha iwon iwon i por wa emkaam ki neibhah wa ki ASHA da embynta ki hajrong i chait i khiah ki bru nadooh chwa i por wow wan ka khlam COVID-19.
Ka seiñ da dawa ko leh na ka sorkar wow pynbiang næ su tikna man-u-bnai ya ka tulop cha ki wakreh ASHA neibhah wa ini daw yarap i ya ki ha i lai i wan wa i emkaam yong ki iwa man-ka-sngi.
