Ka JYF-Bataw Unit ha ka 23 tarik uni u bnai hapoh i yahkhmat u President, u Jiki Lakhi, u Secretary, Arjun Lakhi deiwa emlang u Waheh Chnong ka Bataw, u Bhalang Suchiang, kiwa hayung hasem yong oo wa ki dkhot ka JYF Bataw Unit, da lai e yarap ki ya u Arpi Biam da u khoo deilang wa ka song poisa.
U Arpi Biam da maad u yei chitom la soo snem nadooh wa hap u najrong dieñ heipor wa dang khait pathi u wei da chitom joor u hadooh wym ye de wow lai kreh wei da hap neh u hapoh yung.
Neiliang u President ka JYF Bataw Unit da kitbok kitrwiang u ya u Arpi wow yoh smat u yei chait i khiah wei da kular u leh wa ka seiñ daw e ko ya ki kti yarap neini chakhmat katwa chah i bor ya kitu kiwa emkaam sakhiat yei yarap.
Neiliang u Waheh Chnong da pynsñiaw u yei sñiawngooh ya ka JYF wa em ko yei mynsien yarap ya ki para bru wa maad yei kjut i chitom hei im yong ki.
Neiliang u Arpi Biam da pynsñiaw u yei sñiawngooh ya ka JYF wa smat ko wow e yarap wei da kitbok kitrwiang u leh ya ka seiñ wow nang ye chooh chooh ko wow chakri rap bha ya ka imlang sahlang.
