Ka KSU Wapung Unit ha ka 21 wa 22 tarik uni u bnai da e ko ya ki kti yarap cha kiwa chong chnong ka ka Wapung Skur wa Wapung Chnong kiwa emkaam yarap deiwa e sñiawbha da ki marbaam.
Ka KSU Wapung Unit haka 21 tarik da e yarpa ko da u khoo, u dai, i phñiang baam cha kiwa em hapoh ka chnong Wapung Skur kiwa kynthup yaka dong Moopynieñ, Umshongpet deiwa e yarap cha ki 3 tylli ki manyung.
Ya ini i e yarap da yahkhmat da u Deiniwan Lyngdoh deilang wa u Shwari Ryngkhlem, General Secretary wa ki dkhot yong ka chnat krehkaam.
Ka KSU Wapung Unit ha ka 22 tarik won da e yarap ko cha kamwa 65 tylli ki manyung yong ki dong kiwa kynthup ya ka dong Shnaleiñ wa ka Tpep Swer kiwa haap ha ka chnong Wapung Skur wa cha ka dong Lad Sohkymphor (Maia Club) wa Wapung Tre wa cha kamwa 42 tylli ki manyung kiwa haap hapoh ka chnong Wapung Chnong.
Ha ini i saam ya ki marbaam da synran da ki Chairman Dong deiwa emlang ki dkhot ka Unit.
Ka seiñ lyngba ini i e yarap da kyrmen ko wa kiwa chong chnong u yoh ki yei yarap wei khamtam wow pynsuk ya ki ha kam kini ki por. Ka seiñ da ong ko wa daw pteiñ ko wow yarap cha ki paradoh parasnam ha ki sngi ki wow wan.
