Ka KSU Wapung Unit ynne ka 27 tarik hapoh i yahkhmat u President u Deiniwan Lyngdoh, General Secretary u Shwari Ryngkhlem, Vice President u Nidalut Siangshai, Education Secretary u H. Ryngkhlem hei emlang u Shaniah Dkhar uwa man kam u Asst. Finance Secretary yong ka Jaiñtia Hill Unit, da lai e yarap ki cha ki 5 tylli ki yung ki wa leh Quarantine haka chnong Wapung Shnong.
Da e yarap da u khoo, salah, dai wa u phniang baam.
Ya ini i e yarap da ekti ha u Waheh Chnong ka Wapung Shnong u Mutlang Dkhar yow e u cha kini ki manyung wa leh Quarantine.
Neiliang ka seiñ da kitbok kitrwiang ko ya kini ki yung yow yoh ki i chait smat yow lait ki na uni khñiang COVID-19.
