Ynnin ka 3 tarik, ka KSU Namdong Area Unit hapoh i yahkhmat yong u Chanbor War, President, u Juhhi Tariang, General Secretary wei deiwa emlang u Organizing Secretary ka JHDU u Leningard Tariang deilang wa ki dkhot ka CEC da lai e yarap ki da ki PPE wa ki Mask cha ki thaw e sumaar kawa pynlai da ki Sister of Charity Convent kawa em ha Namdong kam chibynta wow yarap ya ki hawa e dawai cha ki paidbah wa wan chah sumaar waphær waphær yow ye ki wow yoh yada na u khñiang COVID-19 uwa katni da ktah bha ya ka jylla ha kani ka la-ær wa ar i wan ka khlam.
ka seiñ ka e khublei ko leh ya ki Sister wa kreh heini neibhah deiwa em yong ki da e yarap chiboon ya ki para doh para snam ha kani ka thaaiñ deiwa chakri paka ya ki phaw hajar ngut ki paidbah wa kjut wa chitom ka thaaiñ.
Ka seiñ ka sñiawthooh ko yei eh wa maad ki wakreh hei chait i khiah ha kam ini i por iwa da pynman ya ka seiñ wow man kawa smat wow kynrong wei wow ya krehlang wow e kti yarap hanla da iwa khian leh tangwa ym toh won iwa khaddooh, wei ka seiñ daw ya krehlang ko neibynta i bha i miat ki paradoh parasnam ka bri u Ynñiawtrep hi waroh kawi.
Ka kyrwoh khubor na u Juhhi Tariang, General Secretary KSU Namdong Area Unit.
