Ka KSU East Jaiñtia Hills District Unit deiwa emlang kiwa kitkaam ka KSU Lakadong Unit haka 8 tarik da lai e yarap ki da ki tin yung cha ka Ummat Lakadong Government LP School kawa em ha ka chnong Lakadong.
Yeini da leh neidaw wa kani ka skur toh kawa da jæd wei joo um wei ym em kitkhlieh ka sorkar wow pait, u pynchna ya ki skur wa em cha kani ka thaaiñ.
Ka seiñ hachwa ini da dep ko leh wow booh yei thoh cha ka yung krehkaam ka SDSEO ka District wei neiliang yong ka da chimkhia ko wow phah yeini cha ki bor wa em haneiñ tangwa ym em chimkhia ki heiwa ka seiñ da e por ko leh 2 tayaw yaki bor ka sorkar wow pait wei wow leh iyi iyi.
Kamtæ ka seiñ da ong ko wa ini i jæd i pai ka skur da pyndooh mynsien ko leh ya ki khynnah hadooh wa hap ki wow pep skur. Kamjooh da pyndooh mynsien leh ya kiwa sikai kamtæ da pynman ya ka seiñ wow e yarap da kini ki tin yow pynchna yeiwa jæd wa pai yow yoh yei yada chibet chipor.
Kiwa sikai skur da pyntip ki leh wa manda slap da hap bait ki wow mih na skur wei da lai cha ki yung ki bru yow pynman skur yow lait u sepai i por ki khynnah skur.
U Waheh Chnong won da ong u wa neiliang ka chnong da thooh ki ka laad ka luti tangwa ym yoh yarap na kiwon kiwon kiwa toh u pait ya ka yung skur tangwa ka KSU mar ya yoo ko yeini da chimkhia smat ko, kamtæ da e khublei u ya ka seiñ deiwa kitbok kitrwiang leh.
