Ha ka 14 tarik uni u bnai, ka Khasi Student Union Nartiang Modop Unit ha i yahkhmat u President u Biril Talang, u General Secretary u Lambert Sajem, Education Secretary u Ready Talang, Organizing Secretary u Rilangki Suting wa ki kattu katni ki dkhot da lai e yarap ki da ki Mask cha ki paidbah ka chnong kiwa wan chong dukan wa cha kiwa wan thied wei ha ka jooh ka sngi da lai e sñiawbha leh cha ka Nartiang PHC da ki Mask, ki sapkiti wa ki riam PPE.
Ya ini da leh kam chibynta wow ya ksohktilang wa ka PHC wow yada nei poor smat ka khlam COVID-19 ha kani ka thaaiñ.
Ka seiñ da e khublei ko ya ki Doctor yong ka Nartiang PHC u Dr. Pohsnem uwa da ya emlang ha kani ka sngi deilang ya ki Nurse wa kiwa kreh yong ka PHC kiwa da kreh chitom doh wa mynsien wow yakhun pyrchah yei poor smat kani ka khlam ha kani ka thaaiñ.
Neiliang ka KSU Nartiang Modop Unit lyngba kani ka kyrwoh da pynsñiaw ko wa smat ko wow ya embyntalang wa ka PHC lada emkaam yarap wow yakhun pyrchah yaka khlam COVID-19.
