Ka Khasi Students’ Union War Jaiñtia Circle hapoh i yahkhmat u President u Laitphar Syngkrem, u Lurman B Talang u General Secretary wa u Kindly Khyriem Finance Secretary deilang wa ki dkhot, ha ka 7 tarik uni u bnai da lai e yarap ki da u khoo cha ki 24 tylli ki chnong kiwa haap hapoh ka Amlarem Sub Division.
Ka seiñ hadien wa da yoh yutip ko wa em chiboon ki manyung mansem kiwa kup chilliang sem chillang wot wow thied ya u khoo leh ym yoh ki wei em boon leh kiwa da duna khoo wow chet, kamtæ ka seiñ ym yohsa ko wow chimkhia ya ini wow pynpoi ya u khoo cha ki chnong waphær waphær hapoh War Jaiñtia.
Ha ini i lai e yarap da e kti bait ya u khoo cha ki waheh chnong waphær waphær wow pait wow saam ya ki khoo cha kitu ki manyung mansem wa yoo biang ki kiwa toh hok wow yoh. Ka seiñ leh da pynsñiaw ko yei beiñ joor yei yoh thiahsngi kiwa mihkhat hapoh War Jaiñtia neibhah wot hadooh katni ym pu em kiwon kiwon ki laad wow lai e yarap cha ki paidbah ka thaaiñ waroh kawi. Ka seiñ kyntu ko cha waroh kiwa mihkhmat yong ki wow sñiawbha wow lai pait næ lai mih cha ki chnong ki bru khnang wow yoo ki da i yong ki hi ki khmat hadooh katwon ki bru emkaam ki yei yarap.
Ka seiñ da paanmaap ko na kitu ki chnong kiwa ym pu ye u pynpoi wow lai e yarap wei kyrmen skem ki wow yaleh chitom katwa ye wow wan e yarap ya ki ha kiwon ki por.
Ya kani ka kyrwoh da phah da u General Secretary u Lurman B Talang.
Discussion about this post