Ka Dorbar Chnong Loom Soo Iung Newhill, Jowai ynne ka sngi ka 11 tarik, ha i yahkhmat u waheh chnong wa ki dkhot ka dorbar chnong da saam ki ya u khoo, i phniang, blooh wa da e sñiawbha lyngba ka Shiv Mandir Pooja Committe cha kiwa chong chnong kiwa em hei kyrdooh ha kam kani ka por wa emkaam bha ki ya i yarap neidaw wym yoh de ki u lai khih lai kreh nei chah khang ha ki bor District kam i yaleh pyrchah ya u khñiang khlam COVID-19.
Ka dorbar chnong dei mynsien wa sñiawkhia yei eh wa chon ya kiwa chong chnong yong ka, da saam ki cha ki kattu katni ki man yung kiwa da emkaam sakhiat ya kam kini ki jait yarap ha kam kini ki por.
Ka dorbar chnong kyntu ko leh ya kiwa ym pu em u yoh wym hoi u em ki itæ i sñiawphær neibhah ka dorbar chnong da yaleh ko katwa ye i bor wow pynyoh ya ki yarap.
Ha kani ka sngi da emlang leh u OC ka Jowai Police Station, u Dy. SP yong ka West Jaiñtia, ki dkhot yong katai ka Committee, u waheh chnong wa ki dkhot ka dorbar chnong.
Da kyntu ka dorbar chnong leh ya kiwi tawan wow mih ki chakhmat wow nang yarap chooh chooh ya ki para chnong yong ka, pynkut ka kyrwoh na u waheh chnong u R.W. Sdor.
Discussion about this post