Ka Meghalaya Engineering Service Association (MESA) da e yarap sñiawbha ko T. 1 lak cha ka Dr. Norman Tunnel Hospital, Jowai ha ka 9 tarik uni u bnai.
Ya ini i e yarap da pynpoi cha Hospital da u Dawhoi Langstang, Vice President MESA wa ka Amabilis Phawa, Member MESA ha ka kamra krehkaam ka Medical Superintendent ka Dr. Dakaniwan Nongpluh hei emlang u Banjop Dkhar, Resident MO wa ka Nursing Superintendent ka Kimzahat Suchiang ka Dr. Norman Tunnel Hospital.
Ka Dr. Nongpluh da pynsñiaw ko yei sñiawngooh wa hadooh kattæ kattæ ya ka MESA kawa em yei mynsien yarap ya ka Hospital ha kam kini ki por wa ka Hospital emkaam ko wow thied chiboon ki tiar ki tar yow e yei sumaar wa biang ya kiwa chitom na u COVID-19.
Da kyrkhu kyrdoh ko leh ya ki dkhot ka MESA wow yoh ki yei chait i khiah wow nang ye ki wow man kam i kyrkhu ya ka jaitbru waroh kawi.
