Ka Meghalaya People United Front (MPUF-EJHD) ynnin ka sngi hapoh i yahkhmat u President u Kyrshan Blah wa kiwi ki dkhot ka seiñ da lai e yarap ki da ki marbaam cha ki ar tylli ki chnong wa kynthup ya ka Lumskhen wa ka Wahsarang, East Jaiñtia Hills hei emlang u waheh chnong ka Lumskhen u Kren Dkhar wa u waheh chnong ka Wahsarang u Pious Khaii wa kiwi kiwi.
U Kyrshan hawa e i klam da sñiawngooh u ya u Blai wa da yahluti u ya ka seiñ wow e yarap cha ki paidbah ka District wa ka jylla.
Da kyntu u leh ya ki paidbah ki ar chnong wow bood ya ki kyndon wa da booh ka sorkar kam ha ini i por wa em ka khlam COVID-19.
Neiliang kiwa yahkhmat kini ki ar chnong da kitbok ki ya ka seiñ wow ye u e chakri chooh ya ki paidbah wa ka imlang sahlang hapoh ka jylla.
Ynne ka sngi won ka chnat ka seiñ, ka Jalyiah Unit hapoh i yahkhmat u President u Yowansuk Rymbai wa u Secretary, u Sikaishuh Dkhar wa kiwi kiwi da lai e yarap ki da u khoo cha ki kattu katni ki manyung ka chnong kam ha ini i por wa em ka khlam.
