Ka Meghalaya People United Front (MPUF) Lad Rymbai Unit, East Jaiñtia Hills District, ynne ka sngi hapoh i yahkhmat u President u E. Ryndem wa u General Secretary u Bonifast Ryndem da e yarap ko cha ki ar ngut ki khynnah wa em i duna ha i doh i pran kamjooh cha ki 23 tylli ki manyung wa em ha Khliehdupon, Lad Rymbai.
Ha kani ka sngi neiliang u General Secretary u Bonifast, da ong u wa i e yarap ynne toh nei wyrai wa i mynsien sñiawlem ya kam kini ki khynnah kiwa em i duna ha i doh i pran wa i bor pyrkhat kamjooh leh ya ki manyung wa duna hei yoh i laa.
U President ka EJHD u Kyrshan Blah hawa e i klam da sñiawkmen u wow yoo wa ka Unit da ye ko u kyrchaan ya kiwa emkaam yarap deiwa kitbok kit rwiang, wei da kyntu u ya ki wow man ki heh ka seiñ kiwa kreh sam chaphrang.
Kawi na ki manbei wa da yoh yarap da e ko ki kyntien kitbok kitrwiang ya ka seiñ wow yoh ki waroh ya i kyrkhu kyrdoh khnang wow ye u e kyrchaan kamni cha kiwa emkaam yarap.
