Kam chibynta wow e yarap ya ka sorkar jylla ha ka thma pyrchah ya ka khlam COVID-19, ka North Eastern Development Finance Corporation Limited (NEDFi), kawa man leh ka yung krehkaam hapoh i pait ka Ministry of DoNER, ka sorkar India da e yarap sñiawbha ko T. 9 lak cha ka CM Relief Fund.
U P. Rymmai, BM yong ka NEDFi Shillong da e u ya ka Cheque ha ki kti yong u Montri Rangbah ka jylla, u Conrad K. Sangma ynne ka 27 tarik.
Ka NEDFi hapoh ka Corporate Social Responsibility (CSR) yong ka, da pynkreh ko ya ka “Mission Oxygen” kawa man ka thong krehkaam wow pynkhlan yei pynmih Oxygen ha ka jylla. Hapoh kani ka thong, ka NEDFi da pynlait poisa ko mar T. 2 lak cha ki le tylli ki Hospital ki bru samen ha ka nongbah Shillong.
Ka NEDFi da jooh e yarap ko ya kiwa seiñ khih da yong idæ lyngba ki Scheme e ram waphær waphær yong ka wei da prat luti ko leh neibynta kiwa seiñkaam lyngba ka Business Facilitation Center yong ka.
