Kiwa chong chnong ka jylla ka Meghalaya kiwa da kwah wow yarap ya ki paidbah ha kam kini ki por wa em ka khlam COVID-19, da sdang ki yaka Project Face Mask hadien wa yoo ki wa duna ki tiar wa emkaam wow yada na uni u khñiang kam ki Mask.
Hapoh kani ka Project Face Mask da emlang 50 ngut kiwa na kiwa boon jait i khih i khan yow yarap da ki Face Mask ya kitu kiwa dooh wa duk kamjooh ya kiwa em hakhmat wow yada na uni u khñiang.
Kamtæ da saam 500 tylli ki mask cha ki pulit wa West Jaiñtia Hills District Executive Force da ki dkhot ka Project Face Mask kiwa wan na Shillong wa kyntup ya u Gerry Kyrshan N Nongrum, u Ralph Lyngdoh Mawphlang, ka Daphisha Gabriela Pyngrope wa u C.A. Ram Kyndiah.
Neiliang ki pulit ka West Jaiñtia Hills District leh dang pteiñ ki yaki kaam wa bha yong ki heiwa ki pulit ka Phramer Traffic Cell da saam ki da u khoo, Biscuits wa kiwi ki baam cha ki manyung wa dooh wa duk ka chnong ka Mookaswan waka Nangbah.
Ha Sohmynting da leh ya i jooh deiwa yarap yaki 12 tylli ki manyung.
Da saam leh da ki jhoor yaki koidi ka District Jail, Jowai. Da yarap leh da u khoo ya ki Home Guard Volunteer kiwa da yarap bha yaki pulit.
Ki pulit leh da yang ki ha waroh ki Isolation/Quarantine Wards ka District.
Discussion about this post