Rotary Club Jowai haka 9 tarik uni u bnai da e sñiawbha ko da ki Facemask wa Hand Sanitizers cha ki Volunteers wa kiwa chong dai yaw ha Khimmusniang, Jowai. Ya ini da leh hei emlang u Additional Deputy Commissioner u L. Kynjing, u waheh chnong ka Khimmusniang u Titus Bamon deilang wa ki dkhot ka Executive Committee.
Ha kani ka sngi da em leh ka yalang heiwa kiwa klam da klam ki chaphang i maa u COVID-19.
U Rtn. Rudolf Eustace Laloo (PHF) Secretary RC Jowai hawa sdang da pdiang sñiawbha u ya waroh wei da batai u chaphang ki kaam wa da leh ka Rotary International yow yada nei poor ka khlam COVID 19 kamjooh wow yarap ya kiwa chah ktah.
Da pyntip u wa ka Rotary da booh ko wut wut yaki kaam wow yaleh pyrchah yaka khlam COVID-19 kam kawi na ki thong krehkaaam, kamtæ ka RID 3240 RC Jowai da chim ko ya kani ka bynta wow e yarap da ki Facemask wa Hand Sanitizers kam chibynta wow yarap para bru.
U waheh chnong ka Khimusniang hei klam yong oo da e khublei u yaka RC Jowai yei pteiñ yong ka wow kreh pyrchah ya u COVID-19.
U Additional Deputy Commissioner leh da e khublei u yaka RC JOWAI wa da yarap ko ya kiwa hakhmat dooh kam ki Volunteer wa kiwa chong dai haki thaw pynman yaw. Da khutlang u ya waroh kiwa emlang wow ya krehlang neibynta ka mynstep kawa bha deiwa bood yaki kyndon wa da booh ka sorkar. Da ong u leh wa i thmu ka sorkar toh wow yada yei chait i khiah kiwa chong chnong.
Discussion about this post