Ka seiñ kiwa yah kari kamai wa tip kam ka West Jaiñtia Hills Taxi Owner’s and Driver’s Association (WJHTODA), ha kini ki tayaw wa dep da e yarap ko da u khoo ya ki para wa yah kari wa em hapoh ka seiñ kiwa rap emkaam u yoh yei yarap.
Wei najrong kini da lai e yarap haroh cha ki thaw ri khonswet wa em hapoh ka District wa kynthup yaka NEIMA Orphanage Centre Sahsniang, cha ka KJP Synod Mihngi Children’s Home Wahiajer waka Nartiang Children’s Home.
Ya kani ini i lai luti da leh kam chibynta i yarap ya ka imlang sahlang, deilang i e kyrchaan u MDC ka Jowai Central u Andrew Shullai.
