Ka Seng Samla Chnong Mukhnang da e yarap ko da u khoo cha ki manyung wa dooh wa duk ynne i step ka 14 tarik hei yahkhmat u President yong ka u Juhhi Tariang, hei emlang uwa e buit ka seiñ u Ryngkat Shadap deilang wa ki kattu katni ngut ki dkhot.
Ya ini da leh kam chibynta wow ya emlang wei wow kyrchaan lang ya ki para chnong para thaw ha kam ini i por wa em i khangsbak ha ka jylla wym yoh de wow lai khih lai kreh, kamtæ dei bor wa khian ka Seng Samla Chnong Mukhnang da e yarap da u khoo cha ki 7 tylli ki manyung wa emkaam yarap.
Da ong wa ini toh du i sdang wei ka seiñ u pteiñ ko wow thooh laad thooh luti neibynta wow yarap ya ki para chnong para thaw ha kiwa boon ki liang khamtam ha kini i por.
Ka seiñ da kyrpaad ko leh ya ki bru samen kiwa em ka laad ha kam ini i por wow e yarap lang cha kitu kiwa emkaam yarap khnang wow lait nei yap thngan.
