Ka Nazareth Hospital, Shillong da yoh ko ya ka kor MRI kawa da yarap poisa ka sorkar T. 25 lak hapoh ka Chief Minister’s Special Development Fund (CMSDF) wei u Montri Rangbah ka jylla, u Conrad Sangma hawa wan wai ya kani ka kor da pynbna u sa T. 25 lakh i e yarap.
“Kani ka MRI ha Nazareth Hospital daw pynmyntoi bha ko ya ki paidbah khamtam kitu kiwa wan na ki thaaiñ palatsor, kamtæ nga sñiawkmen O wow pynbna heini wow e chooh sa T. 25 lak yow myntoi kiwa chong chnong ka jylla yow lait ki wow lai cha jngai yow leh MRI,” da ong u Conrad.
Da yaroh u leh ya ka Nazareth Hospital wa ya waroh kiwa kreh yei chakri paidbah khamtam ya kitu kiwa dooh wa duk deiwa ong leh wa deiwa em ya kani ka MRI daw man ko leh ka moomær wa heh wa da ye u poi yow e sumaar ya ki paidbah yow tip yei kjut i chitom yong ki wei da man leh iwa emkaam wow em ya ka kor MRI ha Shillong yow suk ki bru.
Da ong u leh wa ki kaam sumaar sukhær toh kawi na kiwa eh dooh hapoh ka jylla neibhah wa hap jop chiboon i eh i khor wei ha kini ki 5 snem wa da lai da pyrchang wow pynkylla yeini nadooh na tre chadooh cha khlieh neibynta iwa emkaam kiwa dang kha wa kiwa da heh.
Discussion about this post